&nbsp; &nbsp; &nbsp; &nbsp;ТЭСО Группийн ууган үйлдвэр &ldquo;Айсмарк&rdquo; нь &ldquo;Аз жаргалын амт&rdquo;-ыг түгээх эрхэм зорилготойгоор 2003 онд үүсгэн байгуулагдаж, Монголчуудын уламжлалт хүнс аарцыг инновац шингээн &ldquo;Бамбар&rdquo; брэндийн зайрмагийг зах зээлд танилцуулж байсан түүхтэй. Өдгөө 80 орчим нэр төрлийн зайрмаг үйлдвэрлэж, зах зээлд амжилттай нэвтрүүлээд буй &ldquo;Айсмарк&rdquo; компанийн Гүйцэтгэх захирал П.Ганчимэгийн ярилцлагыг хүргэж байна.

&nbsp;

<h3>Та ТЭСО Групптэй анх хэрхэн холбогдож, таны ажлын гараа ямар албан тушаалаас эхэлж байв?</h3>

&nbsp;

Би 2011 онд их сургуулиа төгсөж, тухайн жилийн 12-р сард ТЭСО Групп орон нутагт албан ёсоор салбараа нээх гэж байгаа тухай сонссон. Тухайн үед орон нутгийн анхны салбарт Худалдааны төлөөлөгчөөс ажлын гараагаа эхлүүлж, тус салбар нь миний өссөн нутаг Орхон аймаг, Эрдэнэт хотод байсан нь надад дотно санагдсан. Хэдийгээр би технологийн чиглэлээр сургууль төгссөн ч худалдааны чиглэлээр ажиллах нь миний хувьд томоохон сорилт байсан юм. Ингээд ТЭСО Группийн Техникийн албанд инженерээр ажиллаж байсан нөхөртэйгөө хамт Эрдэнэт хот руу ажиллахаар шилжиж, Худалдааны төлөөлөгчийн ажлыг маш их догдлолтойгоор эхлүүлсэн. Хэдийгээр би оюутан байхдаа ТЭСО Группийн Хүнсний үйлдвэрт ажиллаж, нярав хийж үзсэн ч албан ёсны ажилтан нь болоод орон нутагт салбараа нээх нь сонирхолтой эхлэл байсан.

&nbsp;

<h3>Та 10 гаруй жилийн хугацаанд ТЭСО Группэд ажиллахдаа аль салбаруудад ажилласан бэ? Энэ хугацаанд хүндрэл, бэрхшээлгүй сорилт гэж байхгүй учраас түүнийг хэрхэн даван туулав?</h3>

&nbsp;

Миний хувьд нэг газраа удаан ажиллаад уйдах гэхээсээ илүү шинэ боломжийг эрэлхийлэх сонирхолтой юм болов уу гэж өөрийгөө дүгнээд байгаа. Шинэ, шинэлэг зүйл рүү өөрийгөө өөрчлөөд ажиллахыг эрмэлздэг. Эрдэнэт хотод Худалдааны төлөөлөгчөөр нэг жил гаруй хугацаанд ажилласны дараа ТЭСО Группийн тухайн үеийн Ерөнхий захирал &ldquo;Худалдан авалтын алба байгуулах гэж байгаа тухай, дүрэм, журам, заавар бичих гэх мэт энэ албатай холбоотой бүхий л ажлыг хэрэгжүүлэх учраас Улаанбаатар хотод ирэх шаардлагатай байна&rdquo; гэж дуудсан. Тухайн үед би аль хэдий нь жил гаруй ажиллаж, хүнд хэцүү үеэ даван туулаад, орчиндоо дасан зохицсон байсан үе л дээ. Гэвч орон нутагт шинээр эхлүүлсэн ажлынхаа үр шимийг тууштай хүртэж чадаагүй мэт санагдсан учраас өөртөө эргэлзэж, тухайн үедээ татгалзсан шийдвэр гаргасан. Нөгөө талаас орон нутагт салбар байгуулж, томоохон ажлыг суурийг тавьчихсан, дараа нь хэн ч ирээд миний эхлүүлсэн ажлыг үргэлжлүүлэх боломжтой гэж гэж бодсон учраас би өөрийн тухтай орчинд тухтай ажлыг хийхээс илүү надад санал болгосон шинэ ажлыг эхлүүлэх боломж юм байна гэж дүгнээд 2013 оны 3-р сард Улаанбаатар хотын төв оффист Худалдан авалтын албаны Ахлах менежрээр шилжин ирж ажилласан. Ийнхүү Худалдааны төлөөлөгч байсан хүн шинэ албан тушаалд ирж, бичиг цаасны ажлуудыг эмхэлж, худалдан авалтын замын зураглал гаргаж, ТУХТ-ын систем, бэлэн мөнгөний гарах урсгал, худалдан авалтын үнийн судалгаа гэх мэт бүхий л шаардлагатай ажлуудыг боловсруулж, энэ албандаа 4 жил гаруйн хугацаанд ажилласан. Энэ хугацаанд тухайн албаны үйл ажиллагаа жигдэрч, салбарын бүх компанийн худалдан авалтыг хийдэг болсон доо. Харин үүний дараа жирэмсний амралттай байх хугацаанд Үйл ажиллагааны газрын захирлаар ажиллах санал тавьсан бөгөөд миний хувьд уг саналыг дахин өөр ажил хийх боломж юм байна гэж харсан. Хэдийгээр миний мэдэхгүй салбарууд үйл ажиллагааны хэсэгт байсан ч ирээдүйд уг газрыг тусдаа, бие даасан, салбарын компани болгоно гэсэн зорилготойгоор ажлаа эхлүүлж, нэг жил гаруйн хугацаанд ажилласан. Үүний дараа &ldquo;Домог&rdquo; компанийн захирлаар ажиллах боломж тохиож, энэ компанидаа ажиллахаар ирэхэд маш их сорилттой тулгарсан. Миний ур чадвар хаана нь ч хүрэхгүй мэт л мэдрэмж төрж байсан. Хэдийгээр хүлээн авсан ажил бүр хариуцлагатай санагдаж, хүнд хэцүү байсан ч тухайн ажлыг би хийж чадна гэсэн мэдрэмж маань намайг цааш нь хөтөлсөн. Тухайн үед &ldquo;Домог&rdquo; компани маань гадаадаас худалдан авалт хийж, ТЭСО Групп аль хэдий нь экспорт хийгээд эхэлчихсэн байсан үе учраас хүнсний экспортын чиглэлээр хариуцаж ажиллана гэхээр маш их догдолж байсан. Эргээд бодоход Эрдэнэт хотод Худалдааны төлөөлөгчөөр нэг жил ажиллахдаа бүх зүйлээ жигдрүүлж, өөрийн тухтай орчныг бүрдүүлсэн ч шинэ ажил, шинэ эхлэл гэдэг миний хувьд үргэлж сорилт болж, энэ ажилд би өөрийгөө хэрхэн дайчилж болох вэ, хэрхэн өсч хөгжих вэ гэдэг боломжийг харж өнөөдрийг хүрсэн. &ldquo;Домог&rdquo; компани нь үйл ажиллагааны хувьд экспорт, импорт, дотоод худалдан авалт, үйлчилгээ гэсэн 4 үндсэн хэсгээс бүрддэг байсан. Энэ үед үйлчилгээ хийдэг бие даасан компани болгоно гэсэн төлөвлөгөө байсан учраас тайлан тооцоог нь анхнаас нь тусдаа, цэгцтэй хийдэг байлаа. &nbsp;Мөн экспортын тусдаа компани болох шаардлага хэрэгцээ байсан учраас цар хүрээтэйгээр групп компанийн бодлогыг тодорхойлох том ажлыг хэрэгжүүлж, сорилттой, сонирхолтой он жилүүдийг өнгөрүүлсэн байна.

&nbsp;

<img alt="" src="http://teso.mn//source/4-28-3.jpg" style="width: 978px; height: 482px;" />

&nbsp;

2020 оноос &ldquo;Айсмарк&rdquo; компанийн Гүйцэтгэх захирлаар ажиллах санал авч, ажиллаж эхэлсэн. Миний хувьд анх ТЭСО Группийг мэддэг цаг үе маань зайрмагнаас эхлэлтэй. Нэгдүгээрт, би зайрмагт дуртай. &nbsp;Хоёрдугаарт зайрмагны борлуулагч хийдэг байхдаа энэ том компанийн хаана нь хүрч чадах вэ гэж боддог байсан. Тиймдээ ч &ldquo;Айсмарк&rdquo; компанийн захирлаар ажиллах боломж надад олдсон учраас дуртай зүйлсээ яаж хөгжүүлж, яаж өөрчилж, яаж үргэлжлүүлэн удирдах вэ гэж бодсон. Гэтэл өнгөрсөн хугацаанд шилжиж ажилласан салбаруудад байдаггүй нэг хэсэг нь бүтээгдэхүүн хөгжүүлэлт, маркетинг байсан учраас энэ ажлуудыг хийх нь маш сонирхолтой байсан. Харин одоо би &ldquo;Айсмарк&rdquo; компанид 3 дахь жилдээ ажиллаж байна. Эргээд бодоход хэцүү зүйлийг туулаад гарсны дараа хүн хэцүү гэж боддоггүй юм байна лээ. Хэцүү байна, шантарч байна биш харин ч даваад гарсан зүйл нь илүү туршлага болсон санагддаг. Тийм ч учраас шилжиж очсон газар бүрийн хамт олон маань сайхан уур амьсгалыг бүрдүүлж, нэг цул, нэг баг болж ажиллаж чадсандаа талархдаг. Шинэ ажил эхлүүлэхийн өмнө шинэ хамт олон маань намайг дэмжиж, туслаад өнөөдрийг хүртэл ТЭСО Группэд 12 дахь жилдээ ажиллаж байна. Энэ хугацаанд &nbsp;4, 5 салбарт тойрон ажиллахад бүх хамт олон маань дэмжиж, энэ хүртэл ирэхэд маш том түлхэц, дэмжлэг болж чадсан. П.Ганчимэг бол жирийн нэгэн ажилтан. &nbsp;Харин хамгийн чухал зүйл нь энэ том группийн хамт олны дэмжлэгээр энэ хүртэл ирсэн байгаа нь өнөөдрийн хамгийн гол утга учир юм. Иймээс 12 жил гэдэг нь цаг хугацааны тоолол болохоос биш миний &nbsp;хувьд сорилт, хөгжлийн жилүүд байлаа.

&nbsp;

<img alt="" src="http://teso.mn//source/4-28-1%20(1).jpg" style="width: 913px; height: 450px;" />

<img alt="" src="http://teso.mn//source/4-28-2.jpg" style="width: 913px; height: 450px;" />

&nbsp;

&nbsp;

<h3>Та багаа удирдахдаа ямар арга барилын хүрээнд ажилладаг вэ?</h3>

&nbsp;

Гүйцэтгэх захирлын &nbsp;арга барилууд нь тухайн хувь хүний зан араншин болон хувь хүний суурь хүмүүжил суурилж тогтдог юм шиг санагддаг. Иймд миний ажлын арга барил бол &nbsp;ажилтнуудтайгаа маш ойрхон ажилладаг. Хүмүүстээ итгэл хүлээлгэж, тухайн ажилтнуудынхаа тууштай байдлыг нь илүү эрхэмлэдэг. Мөн &nbsp;эхэлснээ дуусгадаг зан чанар хамгийн чухал. Учир нь хэн нэгэн хүний эхэлсэн ажлыг өөр нэгэн хүн дуусгана гэх бодолтойгоор хүн ажлыг хийдэггүй шүү дээ &nbsp;Тиймээс өөрийн эхлүүлсэн ажлыг өөрөө дуусгана гэдэг зарчмыг чухалчилдаг. Өөрөөр хэлбэл аливаа ажлыг эхлүүлээд тодорхой үр дүнд хүрнэ гэсэн бол түүнийхээ үр дүнг үзэх нь ажилчдын хамгийн том давуу тал юм. &nbsp; Мөн залуучуудынхаа үнэнч, шударга, нээлттэй байдалд нь ач холбогдол өгдөг. Ажилтнууддаа цаг гаргаж, нээлттэйгээр ярилцаж, тухайн хүний нөхцөлийг нь сонсож байгаад ямар нөөц бололцоо байгааг нь хэлэхийг хичээдэг.

&nbsp;

<h3>&ldquo;Айсмарк&rdquo; компанийг 5 жилийн дараа хэрхэн төсөөлж байна вэ?</h3>

&nbsp;

Би анх &ldquo;Айсмарк&rdquo; компанийн Гүйцэтгэх захирал болохдоо 3 том зорилгыг өөртөө дэвшүүлж байсан. Үүний нэг нь &ldquo;Дэлхийд өрсөлдөнө&rdquo; хэмээх ТЭСО Группийн эрхэм зорилгын дагуу Айсмарк компанийнхаа зайрмагийг олон улсын зах зээлд гаргах зорилго тавьсан. Энэ ч үүднээс 2023 онд зарим ажлыг бодит болгохоор томоохон сууриудыг тавиад байгаа. Тиймээс 5 жилийн дараа &nbsp;энэ зорилго биеллээ олсон байх болно гэдэгт итгэлтэй байна. Мөн компаниудын бусдаас ялгарах зүйл нь байгууллагын дотоод соёл байдаг. Тэр соёлын ард маш том ажиллах хүч буюу ажилтан баг олон байдаг. Байгууллагын менежмент зөв байгаа бол тэр нь өөрөө маш том соёлын суурь үзүүлэлт болдог учраас энэ бүхнийг шингээсэн, дэлхийн зах зээлд танигдсан компани болно байх гэж төсөөлж байна.

&nbsp;

<h4>-Ярилцсанд баярлалаа.</h4>

ТЭСО Группийн ууган үйлдвэр “Айсмарк” нь “Аз жаргалын амт”-ыг түгээх эрхэм зорилготойгоор 2003 онд үүсгэн байгуулагдаж, Монголчуудын уламжлалт хүнс аарцыг инновац шингээн “Бамбар” брэндийн зайрмагийг зах зээлд танилцуулж байсан түүхтэй. Өдгөө 80 орчим нэр төрлийн зайрмаг үйлдвэрлэж, зах зээлд амжилттай нэвтрүүлээд буй “Айсмарк” компанийн Гүйцэтгэх захирал П.Ганчимэгийн ярилцлагыг хүргэж байна. 

Мэдээ

П.ГАНЧИМЭГ: МИНИЙ АЖЛЫН “KNOW HOW” БОЛ АЖИЛТНУУДТАЙГАА ОЙРХОН АЖИЛЛАЖ, ТЭДЭНД ИТГЭЛ ХҮЛЭЭЛГЭДЭГ