Монголчуудын уламжлалт хүнс аарцанд инновац шингээсэн “Бамбар” брэндийн зайрмагийг анх зах зээлд нийлүүлсэн нь Монголын төдийгүй дэлхийн зайрмагны зах зээлд анхдагч болсон түүхтэй.

“Милко” компани нь Монгол орны нөхөн сэргээгдэх баялаг болох жимс жимсгэнэ, сүү, аарц зэрэг малын гаралтай уламжлалт цагаан идээгээр орчин цагийн хэрэглэгчдийн хэрэгцээ, амьдралын хэв маягт нийцүүлсэн олон төрлийн бүтээгдэхүүн үйлдвэрлэдэг.

“Эко кластер” компани нь ТЭСО Группийн хүнсний салбар компаниудын үйлдвэрлэдэг бүтээгдэхүүнүүдийн түүхий эдийг бэлтгэн нийлүүлэх үндсэн чиг үүрэгтэйгээр ажилладаг.

“Домог интернэшнл” компани нь хэрэглэгчдийн стандарт шаардлагыг бүрэн хангасан үйлдвэрлэгчдийн түүхий эд, бүтээгдэхүүнийг импортолдог. Мөн ТЭСО Группийн салбар үйлдвэрүүдэд гаднын шинэ, дэвшилтэт тоног төхөөрөмж, өндөр чанартай түүхий эд материалыг өрсөлдөхүйц үнээр ханган нийлүүлдэг.

“Мэйжик Тек Монголиа” компани нь “Хэрэглээний шинэ соёл”-ыг түгээх зорилготойгоор байгуулагдаж, 2022 оны 3-р сараас үйл ажиллагаагаа албан ёсоор эхлүүлсэн.

“Зөв сервис сольюшнс” ХХК нь 2023 оны 1-р сарын 2-нд ТЭСО Группийн бие даасан компани болж үүсгэн байгуулагдсан. Тус компани нь одоогоор “Харуул хамгаалалт”, “Хоол үйлдвэрлэл”, “Цэвэрлэгээ үйлчилгээ”-ний алба, нэгжийн хүрээнд нийт 63 ажилтны бүрэлдэхүүнтэй үйл ажиллагаагаа эхлүүлээд байна. Хүний хөдөлмөр шингэсэн үйлчилгээгээр дамжуулан харилцагч байгууллагынхаа бизнесийн урт хугацааны үр ашиг, нэр хүнд, бүтээмжийг нэмэгдүүлэх замаар ажилчид, үйлчлүүлэгчдийн сэтгэл ханамжтай ажиллах орчин нөхцлийг бий болгон ажиллаж байна.

“Женерал экспорт” компани нь 2016 онд үйл ажиллагаагаа эхлүүлсэн бөгөөд Монголын хамгийн том хуурай сүүний үйлдвэр “Милко” компанийн бүтээгдэхүүнийг экспортолсон түүхтэй.